TOM XENKS - 8 Ноября 2009 - SMS sherlar SMS hazillar, SMS sevgi SMS prikol

TOM XENKS

Mashhur Gollivud aktyori Tom Xenks 1956-yilning 9-iyul kuni AQSHning Kaliforniya shtatida tavallud topgan.
Uning ota-onasi ajrashgach Tom otasi bilan shaharma-shahar kezib yurishga, maktab va do`stlarini tez-tez almashtirishga va otasining yangi mashuqalari bilan til topishishga majbur bo`lar edi.
Aktyorlik faoliyatini u maktabda o`qib yurgan chog`laridan boshlagan. Tomni Ogayoda o`tkaziladigan "Shekspir festivali"ga 3 mavsum taklif etishadi. U teatr sohasida talaygina mukofotlar ham olgan. So`ng uning televideniyadagi faoliyati boshlandi. U teleseriallar va telefilmlarda ishtirok eta boshladi. Aynan shu yerda Tom rejissyor Ron Xovard bilan tanishadi. Ron uni "Splash" filmiga bosh rolga taklif etadi. 1984-yilda suratga olgan o`sha film 84-yilda mashhurlikka erishadi. Biroq, Xenks suratga tushgan keyingi filmlari ommalashmaydi.
Aktyor o`zini 1988-yilga kelib yana eslatib qo`ydi. O`sha yili suratga olingan ajoyib bolakay haqidagi "Katta" ("Big") filmi Tomning nomini "Oskar" nomzodlari qatorida qo`yilishiga sabab bo`ldi. Bu filmdan so`ng yana muvaffaqiyatsiz filmlar "shodasi" boshlandi. 1989-yilda suratga olingan "Terner va Xuch", 1990-yildagi "The Bonfire of the Vanities", 1990-yilda suratga olingan "Jo vulqonga qarshi" filmlari tomoshabinlar va kinotanqidchilar tomonidan yaxshi kutib olinmadi.
1993-yilda suratga olingan "Filadelfiya" filmida Tom o`zining yangi qirralarini kashf etdi. U OITS bilan og`rigan yigit rolini qoyilmaqom qilib o`ynagani uchun Amerika kinoakademiyasi uni eng yaxshi aktyor sifatida tanladilar va shu yo`nalishda "Oskar" berishdi.
93-yilda suratga olingan "Sietldagi bedorlar" filmi unga muvaffaqiyat keltirdi. Meg Rayan bilan hamkorlikda ishlangan bu film kinoijarada ham yaxshigina mablag` yig`di.
Shu yili u yana bitta "Oskar" haykalchasiga ega bo`ldi. "Forest Gamp" filmida yaratgan roli uni Amerika qahramoniga aylantirdi. Tomni endi hamma taniydi va sevadi. Film esa 6 ta "Oskar"ga munosib topildi. Shular qatorida "Yilning eng yaxshi filmi" yo`nalishi ham bor edi.
Keyingi filmlar orasida "Appolon 13" ni aytib o`tish kerak. 1995-yilda suratga olingan bu film real voqealarga asoslangan filmdir. Filmda Amerika astronavtining Oyga qo`nish chog`idagi halokat tasvirlangan. Film yaxshigina pul yiqqan va tanqidchilar tomonidan ham yaxshi baholangan. "Sizga maktub bor" filmi Tomni jiddiy qiyofada ko`rsatgan.
Muvaffaqiyatlari va mashhurligiga qaramasdan Tom yulduzlik kasali bilan og`rimagan. U oilasiga alohida e`tibor beradi. Uni Gollivuddagilar yaxshi ota va yaxshi er sifatida bilishadi. Tom Xenks aktrisa Rit Uilsonga uylangan. Ularning ikki farzandi bor: Chester va Truman. Shuningdek Tomning birinchi rafiqasi Samanta Lyuisdan ham ikki qizi bor.
Stiven Spilberg 1998-yilda suratga olgan "Piyoda askar Rayanni qutqaring" filmida u bosh rolni o`ynagan. Bu rol uchun u yana "Oskar" nomzodlari qatoridan joy oldi. Biroq bu safar unga mukofot berilmadi.

Filmografiyasi:
2007 — "Simpsonlar kinoda"
2006 — "Da Vinchi kodi"
2006 — "Buyuk Bak Xovard"
2006 — "Charli Uilson jangi"
2004 — "Elvis binoni tark etdi"
2004 — "Terminal"
2004 — "Polyar Ekspress"
2004 — "Jentelmenlar o`yini"
2002 — "Catch Me If You Can"
2002 — "Road of Perdition"
2000 — "Cast Away"
1999 — "The Green Mile"
1998 — "You`ve Got Mail"
1998 — "Saving Private Ryan"
1996 — "That Thing You Do"
1995 — "Appolon 13"
1994 — "Bayki is sklepa"
1994 — "Forest Gamp"
1993 — "Filadelfiya"
1993 — "Sleepless in Seattle"
1989 — "Turner and Hooch"
1988 — "Big"
1985 — "Ko`ngillilar"
1984 — "Bachelor Party"
1980 — "He Knows You`re Alone"
1989 — "The Burbs"